მთავარი » 2009 » მაისი » 24 » კახა კუკავა - ოპოზიციის ლიდერი სამართლიანად გამოიკვეთება
20:15
კახა კუკავა - ოპოზიციის ლიდერი სამართლიანად გამოიკვეთება
„კონსერვატორების“ ერთ-ერთი ლიდერი კახა კუკავა
ადასტურებს, რომ არასაპარლამენტო ოპოზიციაში საერთო ლიდერის გამოკვეთაზე
მსჯელობა მიმდინარეობს.
როგორც „ინტერპრესნიუსს“ კახა კუკავამ განუცხადა, ამ
ეტაპზე ოპოზიციაში კონკრეტული ლიდერების საკითხი იმდენად არ განიხილება,
რამდენადაც - ლიდერის ირგვლივ ფორმალიზებული გაერთიანების პრინციპი.
„როგორც ყველა საქმეს, ამ საქმესაც სჭირდება ლიდერი.
საზოგადოების მოთხოვნილებაა, ლიდერი იყოს თანამედროვე, მობილური,
კომუნიკაბელური, ენერგიული. რომელიმე ლიდერის მიმართ განსაკუთრებული
დამოკიდებულება არა მაქვს. ლიდერი სამართლიანად გამოიკვეთება. შეიძლება
ლიდერი ერთ დღეშიც გამოიკვეთოს და არ არის გამორიცხული ეს, 26 მაისამდე
მოხდეს",-განაცხადა კუკავამ.
ოპოზიციის საერთო ლიდერის შესახებ განცხადება „ალიანსი
საქართველოსთვის“ წარმომადგენელმა დავით ზურაბიშვილმა გააკეთა. „საერთო
ლიდერის გამოკვეთა დასავლეთის მოთხოვნა უფროა, ვიდრე - ქართული
საზოგადოების, რადგან ოპოზიციას საერთო გამოკვეთილი ლიდერი არ ჰყავს,
დასავლეთი კი, მიხეილ სააკაშვილის მიმართ ლოიალურად არის განწყობილი",-
აღნიშნა ზურაბიშვილმა.
მისივე თქმით, ამ საკითხზე ოპოზიციაში მსჯელობა
მიმდინარეობს და გამოიკვეთება თუ არა საერთო ლიდერი ან ვინ იქნება იგი,
პარტიებს შორის შეთანხმების საგანია.