მთავარი » 2009 » მაისი » 24 » ოპოზიცია დღეიდან დასავლეთ საქართველოში მიტინგების გამართვას იწყებს
20:54
ოპოზიცია დღეიდან დასავლეთ საქართველოში მიტინგების გამართვას იწყებს
ოპოზიცია დღეიდან დასავლეთ საქართველოში მიტინგების გამართვას იწყებს.
პირველი მიტინგი დღეს ბათუმში ჩატარდება. აჭარაში
უკვე იმყოფებიან „რესპუბლიკური პარტიის“ წარმომადგენლები თინა ხიდაშელი და
დავით ბერძენიშვილი.
როგორც „ინტერპრესნიუსს“ თინა ხიდაშელმა განუცხადა,
დილიდან ოპოზიციის აქტივისტები ინფორმაციის გასავრცელებლად ავტომობილებით
დაიწყებენ მოძრაობას ბათუმში და აჭარის სხვადასხვა რაიონში.
„მიტინგი ბათუმში დაგეგმილია 20:00 საათზე, ხოლო
21:00 საათზე გაიმართება მომღერალ გია გაჩეჩილაძის („უცნობი“) კონცერტი.
კონცერტის შემდეგ კოლონა აჭარიდან ფეხით, ჩირაღდნებით გაემართება
ქუთაისისკენ“, - აღნიშნა ხიდაშელმა.
მისი თქმით, ოპოზიციის ლიდერები ჩამორჩებიან აღნიშნულ
ჯგუფს და სამეგრელოში გადაუხვევენ, სადაც 21 მაისს, 14:00 საათზე,
ზუგდიდში მიტინგს გამართავენ. 20:00 საათზე კი მორიგი მიტინგი ქუთაისში
გაიმართება. ქუთაისში ასევე დაგეგმილია „უცნობის“ კონცერტი.
„კონცერტის შემდეგ კოლონა დაიძვრება თბილისისკენ.
გზაში სამიტინგო გაჩერებები აღარ იგეგმება. კოლონა დასვენების მიზნით
ყოველ ღამე მხოლოდ სხვადასხვა ადგილებში გაჩერდება. 25 მაისს ეს კოლონა
დაბანაკებდა მცხეთაში და უკვე 26 მაისს ეროვნულ სტადიონზე შეკრებილ
საზოგადობას შეუერთდება“, - განმარტა თინა ხიდაშელმა.